मेयर कप भेट्रान्स फुटबल प्रतियोगितामा झापा भेट्रान्स फुटबल क्लबले विजयी सुरुवात गरेको छ । उसले त्रिपुरेश्वरस्थित दशरथ रंगशालामा मंगलबार विजय युथ हेटौँडालाई ५–१ ले पराजित गरेको हो ।

झापाको जितमा नरेन्द्र मणी लिम्बुले ४ र श्यामकुमार गोलेको एक गोल गरे । विजय युथका कृष्ण शाक्यले एक गोल फर्काए ।

विजय युथको यो पहिलो हार हो । उसले पहिलो खेलमा काभ्रे भेट्रान्सलाई हराएको थियो ।  

प्रतियोगिताअन्तर्गत मंगलबार नै भएको अर्को खेलमा साइनिङ सन एकेडेमीले ललितपुर–११ लाई २–० ले पराजित गरेको छ ।