चीनमा फेरि कोरोनाभाइरस संक्रमितको संख्या बढ्न थालेको समाचारहरु आउन थालेका छन् । पछिल्लो समय चीनमा कोरोनाका नयाँ भेरियन्टका संक्रमित भेटिएको समाचार अन्तर्राष्टिय मिडियामा आउन थालेका हुन् ।

अब चीनको लान्झु सरहरमा कोरोनाभाइरस संक्रमित भेटिएका छन् । त्यहाँ ६ जनामा कोरोना संक्रमण भेटिएको हो । यसैका कारण अब चीनमा ४० लाख बस्ने यो सहरमा लकडाउन गरिएको छ । 

त्यहाँ आपत्कालीन अवस्थामा बाहेक अन्य अवस्थामा मानिसहरुलाई बाहिर निस्किन नपाउने नियम लगाइएको छ ।

चीनमा २६ अक्टोबरमा थप २९ जना नयाँ कोरोनाभाइरस संक्रमित पनि थपिएका छन् । चिनियाँ अधिकारीहरुका अनुसार यसरी कोरोना देखिएका सहरहरुमा लकडाउन लगाइएको छ ।

चीनको राजधानी बेइजिङमा थप ३ जनामा कोरोना संक्रमण देखिएको छ ।