आजको युवा पुस्ताको जीवनशैली र भविष्यको चाहनालाई समेटेर तयार पारिएको ‘जेनेरेसन’  बोलको म्युजिक भिडियो सार्वजनिक भएको छ । 

यस गीतमा अस्ट्रेलियाको ब्रिस्बेन  निवासी गायिका हिमानी कानको स्वर र चर्चित र्यापर बुलेट फ्लोको र्याप रहेको छ । 

गीतमा महेश ज्ञवालीको शब्द संगीत रहेको  छ भने  विशाल पौडेलले संगीत संयोजन गरेका छन् । 

म्युजिक भिडियोमा टिकटक स्टार उषा उप्रेती, विना राउत, श्रृष्टी खड्का, लोशिना लामिछाने, सोनिया महत, प्रिन्शिका श्रेष्ठ  र अलिशा श्रेष्ठको अभिनय रहेको छ ।  

सन्तोष राजबाहकले कोरियोग्राफी गरेको यस भिडियोलाई बुद्ध थापाले छायांकन गरेका हुन् ।  

विकास दाहालले सम्पादन गरेको भिडियोको सशान कंडेलको निर्देशन गरेका हुन् । आरोन कान निर्माता रहेको भिडियोलाई ब्ल्याक आइ क्रियसनको अफिसियल च्यानलबाट सार्वजनिक गरिएको हो ।