नेपाली निर्देशक अनुप थापाको लेखन तथा निर्दशन रहेको बलिउड चलचित्र ‘ये मर्द बिचरा’ को ट्रेलर सार्वजनिक भएको छ । चलचित्र नोभेम्बर १९ देखि भारतसहित अन्य केही देशमा चलचित्र रिलिज हुँदैछ ।

आफ्नो निर्देशन रहेको बलिउड चलचित्रलाई लिएर उत्साहित रहेको निर्देशक थापा बताउँछन् ।  चलचित्रले पुरुष पात्रको समस्यालाई रमाइलो शैलीमा देखाउन खोजेको छ । 

कमेडी शैलीको चलचित्रमा वीरज राव, मनुकृति पह्वा, मनिक्क चौधरी, सीमा पह्वा, ब्रिजेन्द्र कलालगायतका कलाकारहरुको अभिनय देख्न सकिन्छ । 

यस्तै शिवम अग्रवाल निर्माता रहेको चलचित्रमा शकिल ए खानको छायांकन, सुन्दर पठुरीको सम्पादन, गौरवको भीएफएक्स, मजोजको कलर, गीतान्जली भारतीको कस्टम डिजाइन देख्न सकिन्छ। चलचित्रलाई टुइडिएट म्युजिकले बजारमा ल्याउँदै छ ।