अफगानिस्तानको राजधानी काबुलमा भएको बिस्फोट र आक्रमणमा परी कम्तीमा २० जनाको मृत्यु भएको छ । बन्दुकधारीहरूले काबुलस्थित एउटा सैनिक अस्पतालमा गराएको बिस्फोट र आक्रमणमा अन्य १६ जना घाइते भएका छन् ।
काबुलको सर्दार दाउद खान अस्पतालबाहिर बिस्फोट गराएपछि बन्दुकधारीहरू अस्पताल परिसरमा प्रवेश गरेका थिए ।
अतिवादी मुस्लिम समूह इस्लामिक स्टेटसँग आबद्ध आइएस-केले आक्रमणको जिम्मा लिएको छ । बिस्फोटपछि घटनास्थलमा धुँवाको मुस्लो निस्किएको एउटा भिडियो फुटेजमा देख्न सकिन्छ ।
आक्रमणपछि आफू भागेर अस्पतालको कुनामा गएर ज्यान जोगाएको सो अस्पतालका डा. शहिद अहदले बताए । दुईवटा बिस्फोटमध्ये एउटा बिस्फोट आत्मघाती भएको उनले जानकारी दिए ।
१५ अगस्टमा तालिवानले राजधानी काबुल कब्जा गरेपछि आइएसले हिंसात्मक हमला गर्दै आएको छ ।
-एजेन्सीकाे सहयाेगमा न्युज कारखाना
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
