सल्यानमा बस दुर्घटना हुँदा आठ जनाको मृत्यु भएको छ । 

आइतबार बिहान सल्यानबाट दाङको तुलसीपुरका लागि छुटेको ना २ ख २५५२ नम्बरको यात्रुबाहक बस कपुरकोटको खारखोला नजिकै दुर्घटना हुँदा आठ जनाको मृत्यु हो ।
 
छ जनाको घटनास्थलमै र दुई जनाको उपचारका क्रममा श्रीनगरमा मृत्यु भएको सल्यानका प्रहरी प्रमुख डिएसपी गोविन्द थापाले जानकारी दिए ।

घाइतेहरूको उद्धारको काम भइरहेको र मृतकको संख्या बढ्न सक्ने उनले बताए ।

घटनाबारे थप विवरण आउन बाँकी रहेको प्रहरीले जनाएको छ ।