बलिउडका सुपरस्टार कपल मानिन थालिएको छ, अर्जुन कपुर र मलाइका अरोडालाई । सामाजिक सन्जालमा एकअर्काको विषयमा यी दुईले पछिल्लो समय निकै धेरै लेख्न पनि थालेका छन् ।

तर, दुवैले औपचारिक रुपमा आफूहरु प्रेममा रहेको चाहिँ बताउन मानिरहेका छैनन् ।

त्यसो त बलिउडमा समयसमयमा यी दुईले विवाह गर्दैछन् भन्ने चर्चा पनि चलिरहेको हुन्छ । अब अहिले चाहिँ अर्जुन कपुरले राखेको एउटा तस्वीर व्यापक चर्चामा आएको छ । सामाजिक सन्जालमा उनले यो तस्वीर राखेको धेरै भएको छैन । तर, यसको चर्चा निकै चुलिएको छ ।

त्यसो त यसअघि दीपावलीको अवसरमा उनीहरुको तस्वीर बाहिर आएको थियो जुन निकै चर्चामा थियो ।

अर्जुन कपुरले चाहिँ अहिले आफ्नो तस्वीर आफैं इन्स्टाग्राममा राखेका छन् । उनले मलाइकासँगको तस्वीर राखेर आफ्नो प्रेमलाई छताछुल्ला पारेका हुन् ।