गायिका सज्जा चौलागाईंको स्वरमा समावेश  ‘आई  मिस यु’ बोलको म्युजिक भिडियो सार्वजनिक भएको छ ।  यथार्थपरक यस गीतलाई गीतकार  राजश्री बस्न्यात श्रेष्ठले आफ्नै  जीवन भोगाइलाई समेटेर लेखेकी हुन् ।  

वरिष्ठ संगीतकार न्ह्यू बज्राचार्यले संगीतवद्द गरेको यस गीतलाई गोपाल रसाइलीले संगीत संयोजन गरेका हुन् । 

दुई  जना  सुन्दर जवान छोरीहरू गुमाउनु पर्दाको पीडालाई समेटेर तयार पारिएको म्युजिक भिडियोमा गरिमा शर्मा र श्रेया सिटौलाले छोरीहरुको भूमिका निभाएका छन् ।  उत्तम हुमागाईले छायांकन गरेको भिडियोलाई प्रविन श्रेष्ठले सम्पादन गरेका हुन् ।

मनिक लाल श्रेष्ठ निर्माता रहेको भिडियोलाई गीतकार श्रेष्ठको परिकल्पना र निर्देशनमा तयार पारिएको हो ।