बलिउड अभिनेता अमिताभ बच्चनले एक पान मसला कम्पनीलाई लिगल नोटिस पठाएका छन् । उनले लिगल नोटिस पठाएर पान मसलाको विज्ञापन रोक्न माग गरेका हुन् ।

उनी कही वर्ष पहिलादेखि नै उक्त कम्पनीको विज्ञापनमा देखिएका थिए, यद्यपि उनले आफ्नो पछिल्लो जन्मदिनमा यस कम्पनीसँग सम्झौता तोडेका थिए । अमिताभले उक्त कम्पनीसँगको सम्झौता तोडिसकेपछि पनि कम्पनीले उनले अभिनय गरेको विज्ञापन प्रसारण जारी राखेको थियो ।

भारतीय सञ्चारमाध्यमहरूका अनुसार अमिताभले कमला पसन्द कम्पनीलाई आफ्नो टेलिभिजन विज्ञापनको प्रसारण रोक्न लिगल नोटिस पठाएका हुन् । पान मसलाको विज्ञापनका कारण अमिताभ केही समयदेखि ट्रोल बनेका थिए ।

जसका कारण ११ अक्टोबरमा ७९ औँ जन्मदिनका अवसरमा उनले पान मसलासँगको सम्झौता तोडेका थिए । उनले सम्झौता रद्द गरेपछि उनले कम्पनीलाई उसको रकम पनि फिर्ता गरेका थिए ।