नेकपा एमालका अध्यक्ष केपी शर्मा ओलीले सकेसम्म सहमतिको प्रयासमा आफू रहेको महाधिवेशन प्रतिनिधिहरूलाई बताएका छन् ।

एमाले महाधिवेशनको बन्दसत्रमा बोल्दै ओलीले आफूले पाएको अधिकार अर्थपूर्ण हुनुपर्ने बताए । सर्वसम्मति नेतृत्व चयन गर्ने मुडमा रहेका ओलीले अध्यक्षमा दाबेदारी दाबी गर्दै आएका भीम रावललाई इंगित गरेका थिए ।

उनले भने, ‘सकेसम्म सहमति राम्रो हो त्यसका लागि । अधिकार प्रयोग मात्र गर्ने कि अर्थपूर्ण रूपमा अधिकार प्रयोग गर्ने ?’

हलको माहोल तताउँदै ओलीले भने, ‘हामी सबै त केन्द्रीय सदस्य हुँदैनौँ होला । अरु त केन्द्रीय सदस्य बनाएकोमा महाधिवेशनबाट गर्व गरेरै फर्किन्छौँ नि । जनताको बहुदलीय जनवाद जुन महाधिवेशनले पारित गरेको थियो त्यही महाधिवेशनले अन्तिममा नेतृत्व सर्वसम्मत बन्यो । आजको कार्यक्रम सहमति नै हो भन्ने लाग्छ ।’