वेब सिरिज मिर्जापुरमा ललितको भूमिकामा देखिएकाले चर्चाको शिखरमा आएका अभिनेता ब्रह्मा मिश्राको मुम्बईको आफ्नै फ्ल्याटमा शव भेटिएको छ। 

प्रहरीका अनुसार मिश्राको शव कयौं दिनदेखि यत्तिकै थियो । ३६ वर्षका मिश्राको मृत्यु के कारणले भएको हो भन्ने अहिलेसम्म खुलेको छैन । तर, उनले केही दिनअघि निकै टाउको दुखेको गुनासो गरेका थिए ।

उनले केही दिनअघि चिकित्सककहाँ पुगेर औषधी सेवन गर्न थालेको पनि बताइएको छ ।

प्रहरीले उनको शव बाथरुममा भेटिएको पनि जनाएको छ । उनको मृत्यु तीन दिनअघि नै भएको हुनसक्ने अनुमान छ ।