नेपालमा पछिल्लो २४ घण्टाको अवधिमा २४६ जनामा कोरोना संक्रमण पुष्टि भएको छ ।

स्वास्थ्य तथा जनसंख्‍या मन्त्रालयका अनुसार ७ हजार ८३६ नमुनाको पीसीआर तथा एन्टिजेन विधिबाट परीक्षण गर्दा सो संख्यामा संक्रमित थपिएका हुन् ।

नेपालमा आज ३४६ जना संक्रमणमुक्त भएका छन् । योसँगै नेपालमा कोरोनामुक्त हुनेको संख्या ८ लाख ३ हजार ७१६ पुगेको छ । निको हुने दर ९७.७ प्रतिशत रहेको मन्त्रालयले जनाएको छ ।

आज कोरोना संक्रमणबाट कसैको पनि मृत्यु भएको छैन । अहिलेसम्म ११ हजार ५३५ जनाले कोरोना संक्रमणबाट ज्यान गुमाएको मन्त्रालयको तथ्यांक छ ।

आज देशभर ६ हजार ९२१ सक्रिय संक्रमित रहेका छन् । उनीहरूको होम तथा संस्थागत आइसोलेसनमा उपचार भइरहेको मन्त्रालयले जनाएको छ ।