नेपालमा पछिल्लो २४ घण्टाको अवधिमा थप २३८ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार ६ हजार ७९७ जनाको नमूना परीक्षण गर्दा सो संख्यामा संक्रमण पुष्टि भएको हो ।

उक्त अवधिमा कोरोना संक्रमणका कारण पाँच जनाको मृत्यु भएको मन्त्रालयले जनाएको छ । योसँगै कोरोनाका कारण ज्यान गुमाउनेको संख्या ११ हजार ५४० पुगेको छ । त्यस्तै आज ३९२ जना संक्रमणमुक्त भएका छन् । अहिलेसम्म ८ लाख ४ हजार १०८ जना निको भएको मन्त्रालयले जनाएको छ ।

आज देशभर ६ हजार ७४४ सक्रिय संक्रमित रहेका छन् । उनीहरूको संस्थागत तथा होम आइसोलेसनमा उपचार भइरहेको मन्त्रालयले जनाएको छ ।