काठमाडौं– नेपाली कांग्रेसका नेता एवं सांसद मीनेन्द्र रिजालले नेपाल वायु सेवा निगमले वाइड बडी विमान खरिद गर्दा अनियमितता भएको भन्दै त्यसको छानबिन गर्न माग गरेका छन् । संसदको सार्वजनिक लेखा समितिको बैठकमा बोल्दै नेता रिजालले यस्तो माग गरेका हुन्।
सोमवारको लेखा समितिको बैठकमा रिजालले कांग्रेस पार्टीको बैठकले नै वाइडबडी खरिदमा अनियमितता भएको ठहर गरेको र यसको खरिद प्रक्रियामा छानविन हुनुपर्ने माग गरे । हरेक दिन जसो मिडियामा विमान खरिदमा अनियमितता भएको भनेर कुरा उठिरहेको र यस्तो अवस्थामा लेखा समिति चुपचाप लागेर बस्न नमिल्ने उनले बताए ।
निगमले नागरिक लगानी कोष र कर्मचारी सञ्चय कोषबाट ९ प्रतिशत ब्याजमा २४ अर्ब ऋण लिएर दुईटा वाइडबडी खरिद गरेको हो । यी दुवै वित्तीय संस्थासँग निगमले १५ वर्षको ऋण तिर्ने भाका राखेको छ। निगमले दुई विमान हाइफ्लाई एक्स, जर्मन एभिएसन क्यापिटल र अमेरिकी कम्पनी एएआर कर्पोरेसनसँग मिलेर खरिद सम्झौता गरेको हो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।