पछिल्लो समय विश्वमा देखिएको कोरोनाभाइरसको नयाँ भेरियन्ट ओमिक्रोनका कारण बेलायतले पनि आफ्नो देशमा यात्रा गर्नेहरुलाई नयाँ नियम लगाएको छ । 
अब बेलायत जाने सबै यात्रुले कोरोनाभाइरसको परीक्षण गर्नु पर्ने अनिवार्य गरिएको छ । 

नयाँ भेरियन्ट ओमिक्रोन फैलिनबाट रोक्नका लागि यो नियम बेलायतले लगाएको जनाएको छ । बेलायतको स्वास्थ्य मन्त्रालयले बेलायत आएको दुई दिनपछि कोभिड परीक्षण नेगेटिभ आए मात्र बेलायतमा प्रवेश दिने जनाएको छ ।

त्यस्तै, विभिन्न देशहरुलाई बेलायतले फेरि रेड जोनमा राखेको छ । पछिल्लो समय नाइजेरियालाई रेड जोनमा राखिएको हो । रेड जोनमा भएका देशबाट बेलायत जानेले १० दिन अनिवार्य क्वारेन्टाइनमा बस्नु पर्ने बताइएको छ ।