अछामका कैदीबन्दीहरूको लागि सीपमूलक तालिम सञ्चालन गरिने भएकाे छ । सीपमूलक तालिमको सूदुरपश्चिम् प्रदेश सरकारका आन्तरिक मामिला तथा कानुनमन्त्री पूर्णा जोशीले उद्घाटन गरेकी हुन् । 

आन्तरिक मामिला तथा कानुन मन्त्रालयको ६ लाख आर्थिक सहयोगमा होजियारी, बाँसका मुढा, सिलाइकटाइ, हाते कढाइसम्बन्धी कैदीबन्दीहरूलाई तालिम दिइने भएको छ । 

मन्त्री जोशीले कारगारमा रहँदा सिकेको सीपलाई कैदमुक्त भएपछि व्यवहारमा रूपान्तरण गरी जीविकोपार्जन तथा व्यावसायिक हिसाबमा सहज बनाउन कैदीबन्दीलाई तालिम दिन लागेको बताइन् ।

साँफेबगर नगर प्रमुख कुलबहादुर कुँवरले कारागारलाई बन्दी जीवनका रूपमा नलिई सुधार गृहका रूपमा लिनुपर्नुमा जोड दिए ।

प्रमुख जिल्ला अधिकारी रुद्रबहादुर मल्लले  कानुनको पालना गर्दै कारागारभित्रै सीपमूलक तालिम लिनाले कैदमुक्त भएपछि समाजमा पुनर्स्थापना हुन सहज हुने  बताए ।