नेपालमा पछिल्लो २४ घण्टाको अवधिमा ३१५ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार ११ हजार ८१० नमुना पीसीआर तथा एन्टिजेन विधिबाट परीक्षण गर्दा सो संख्या संक्रमित थपिएका हुन् । सो अवधिमा ९३८६ पीसीआर र २४२४ एन्टिजेन विधिबाट नमुना परीक्षण भएको थियो ।

सोही अवधीमा थप दुई जनाको संक्रमणबाट मृत्यु भएको छ । योसँगै कोरोना संक्रमणबाट मृत्यु हुनेको संख्या ११ हजार ५ सय ४५ पुगेको छ ।

आज थप ३०४ जना निको भएका छन् । योसँगै निको हुने संख्या ८ लाख ५२ हजार ५ पुगेको मन्त्रालयले जनाएको छ ।

मन्त्रालयका अनुसार सक्रिय संक्रमित संख्या ६३५२ जना छन् । गत २४ घण्टामा १ लाख २७ हजार जनाले कोरोनाविरुद्धको खोप लगाएका छन् ।