एजेन्सी– अमेरिकाका राष्ट्रपति डोनाल्ड ट्रम्पकी छोरी इभान्कालाई सरकारी कामकाजका आधिकारिक संवादका लागि व्यक्तिगत इमेल प्रयोग गरेको आरोप लागेको छ । इभान्काले सरकारी कामकाजसँग सम्बन्धित सयौं सन्देश आफ्नो निजी इमेलबाट दायाँबायाँ पठाएको अमेरिकी सञ्चारमाध्यमले जनाएका छन् ।
यो इमेल उनले ह्वाइट हाउसका सहयोगी, सरकारका मन्त्री र र आफ्ना सहकर्मीलाई पठाएकी छन् । उनलाई अमेरिकी गोपनियता कानुुनको उल्लंघन गरेको आरोप लगाइएको छ ।
तर राष्ट्रपति ट्रम्पले तत्काल यो आरोपलाई अस्वीकार गर्दैै इभान्काको बचाउ गरेका छन् । उनले इभान्काले आफ्नो व्यक्तिगत इमेलबाट कुनै जानकारी सार्वजनिक नगरेको बताएका छन् । इभान्का गोपनियता र संवेदनशीलता बुझ्न सक्ने भन्दै उनीमाथि लागेको आरोपको ट्रम्पले खण्डन गरेका छन् ।
उनले सरकारी कामकाजका जुनसुकै इमेल पठाएकी छन् ति सबै सुरक्षित राखिएका छन् । उनले हटाएकी छैनन् ।
२०१६ मा अमेरिकी राष्ट्रपति चुनावमा डोनाल्ड ट्रम्पले आफ्ना प्रतिद्धन्द्धी डेमोक्रेटिक पार्टीकी नेता हिलारी क्लिन्टनविरुद्ध इ–मेलको मुद्धा उठाएका थिए । यसमा गोपनिय जानकारीको समेत आदानप्रदान भएको थियो । यसपछि उनले राष्ट्रपति बिल क्लिन्टनको कार्यकाल सकिएपछि सबै डिलिट गरिन् । यो आरोपका कारण हिलारीले लगातार सफाई दिन परेको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।