स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा मुलुकभरमा २ सय ६४ जनामा कोरोना संक्रमित थपिएका छन्।  

पिसिआर परीक्षणबाट २ सय २९ र एन्टिजेन्ट विधिबाट ३५ जनामा गरी १३ हजार ७ सय ९ जनाको कोभिड परीक्षण गरिएकोमा सो संख्यामा  कोभिड पुष्‍टि भएको हो । 

त्यसैगरी, ३ सय ६२  संक्रमणमुक्त भएका छन्। हालसम्म ८ लाख ७ हजार ५ सय १६ जना संक्रमणमुक्त भइसकेका छन्। 

पछिल्लो २४ घन्टामा थप २ जनाको मृत्यु भएको छ। यो सँगै हालसम्म ११ हजार ५ सय ५९ जनाको मृत्यु भइसकेको मन्त्रालयले जनाएको छ।

देशभर सक्रिय संक्रमित ५ हजार ६ सय ८९ जना छन्। त्यसैगरी २ लाख ३६ हजार ४ सय ८२ जनाले कोभिडविरुद्धको खोप लगाएका छन्।