Sat, 25 Jan, 2020


तालिबानको आक्रमणमा २२ अफगान प्रहरी मारिए
फरकधार / मंसिर १०, २०७५

अफगानिस्तान– तालिबान लडाकु समूहले राखेको एम्बुसमा परी पश्चिमी अफगानिस्तानमा कम्तीमा २२ प्रहरीको मृत्यु भएको छ । 



फराह प्रान्तमा आइतबार प्रहरी चढेको गाडीमा आक्रमण हुँदा कम्तीमा दुई प्रहरी अधिकृत घाइते भएको प्रान्तीय राजधानीको सरकारी अस्पतालले जनाएको छ । 

तालिबानले दुवै आक्रमणको जिम्मेवारी लिएको छ । उसले २५ प्रहरी मारिएको र चारजना घाइते भएको दाबी गरेको छ । 

चारवटा गाडी ध्वस्त भएको र ठूलो परिमाणमा हातहतियार जफत गरिएको तालिवान प्रवक्ता क्वारी युसुफ अहमादीले बताए । 

केही दिनयता तालिबानले सरकारी फौजमाथि आक्रमण तीव्र बनाएको छ । तालिबानसँग शान्तिवार्ता गर्ने प्रयत्न भइरहे पनि आक्रमणका सिलसिला रोकिएका छैनन् । 


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्