काठमाडौं– राष्ट्रिय प्रजातन्त्र पार्टीका अध्यक्ष एवं सूचना प्रविधि विभागका प्रमुख कमल थापाको अध्यक्षतामा सूचना प्रविधि विभागको बैठक सम्पन्न भएको छ ।
बैठकले सूचना प्रविधिबारे जानकारी गराउने उद्देश्यले पार्टीका केन्द्रीय सदस्यहरुलाई ओरिन्टेसन दिने, पार्टीका सम्पूर्ण डकुमेन्टलाई क्रमशः कम्प्युटराइज्ड गर्दै विद्युतीय पद्धतिमा लैजाने निर्णय गरेको छ ।
पार्टीका गतिविधिलाई जनतासमक्ष पुर्याउने हेतुले विभागले मासिक पत्रिकासमेत प्रकाशन गर्ने निर्णय गरेको छ ।
राप्रपालाई युवामैत्री बनाउँदै स्मार्ट पार्टीको रुपमा लैजाने नीतिअनुसार सूचना प्रविधि विभागले पार्टीका हरेक गतिविधि र महत्वपूर्ण कागजातलाई विद्युतीय पद्धतिमा रुपान्तरण गर्ने कार्य तत्काल प्रारम्भ गरी आगामी वर्षमा सम्पूर्ण जानकारी विद्युतीय प्रणालीमार्फत सार्वजनिक गर्ने तयारी गरेको पार्टीका सहायक महामन्त्री राजाराम बर्तौलाले बताए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
