नेकपा माओवादी केन्द्रका अध्यक्ष पुष्पमकल दाहाल प्रचण्डले आफ्नो आदेशमा केन्द्रीय कमिटी निर्वाचित नभएकाे स्पष्ट पारेका छन् ।
कतिपय मिडियामा प्रचण्डले ताली बजाउन लगाएर पारित भएको समाचारहरू आएको भन्दै उनले त्यसप्रति दुःख व्यक्त गरेका छन् । आठौं महाधिवेशनपछिको केन्द्रीय कमिटी बैठकलाई सम्बोधन गर्दै उनले सो कुरा बताएका हुन् ।
उनले भने, ‘महाधिवेशनले प्रचण्डको आदेशको रूपमा होइन, त्यतिबेलाको आयोजक समिति र स्थायी समितिको सर्वसम्मत प्रस्तावको रूपमा ब्याख्या विश्लेषणसहित महाधिवेशनको हलले सर्वसम्मत रूपमा यो केन्द्रीय समितिलाई निर्वाचित गर्याे । कतिपय मिडियामा झल्याकझुलुक देखेँ, प्रचण्डले ताली लगाउन भने अनि ताली लगाइयो भनेर जो अपमान गर्न खोजियो, मलाई दुःख लागेको छ ।’
प्रचण्डले आफू नहुँदैमा माओवादी पार्टी नसिद्धिने पनि बताए ।
‘माओवादी एउटा क्रान्तिकारी आन्दोलन हो, विचार हो । यसले इतिहासमा निकै ठूलो त्याग र बलिदानको आधारभूमि खडा गरेको छ । युगान्तकारी परिवर्तनको आधारशिला खडा गरेको छ । त्यसकारण प्रचण्ड नहुँदैमा वा अर्को कोही नहुँदैमा माओवादी आन्दोलन सिद्धिने हुन सक्दैन’, उनले भने ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।