कोरोना भाइरसको नयाँ भेरियन्टको रूपमा देखिएको ओमिक्रोनबाट दक्षिण कोरियामा पहिलोपटक दुईजनाको मृत्यु भएको छ । 

मृत्यु भएका दुवै जना ९० वर्षमाथिका छन् ।  दक्षिण कोरियाका सरकारी अधिकारीहरूका अनुसार राजधानी सोलबाट ३३० किलोमिटर टाढा पर्ने ग्वान्जौमा उनीहरूको मृत्यु भएको हो ।  

उनीहरूमध्ये एक जनाको २७ डिसेम्बरमा र एक जनाको २९ डिसेम्बरमा मृत्यु भए पनि ओमिक्रोनबाट मृत्यु भएको भन्ने विवरण भने सोमबार मात्रै सार्वजनिक गरिएको हो ।