राप्रपाका पूर्वअध्यक्ष कमल थापाले आफू राप्रपाबाट अलग हुने सक्ने संकेत गरेका छन् । बिहीबार बेलुकी सामाजिक सञ्जालमार्फत उनले आफूले राप्रपा कदापि नफुटाउने घोषणा गरेका छन् । 

आफूले राजतन्त्रको एजेण्डा बोक्दा ‘सिनो’ बोकेर हिँडेको आरोप लगाउनेहरुले नै अहिले राजतन्त्रप्रति मोह देखाएकोमा हाँसो र उदेक लागेको उनले बताएका छन् । 

‘म निरंकुश र सक्रिय राजतन्त्रको पक्षमा छैन। राप्रपाको आन्तरिक प्रतिस्पर्धामा निर्मल निवासको नांगो हस्तक्षेपबाट राजा निष्पक्ष अभिभावक र राजनीति भन्दा माथी बस्न नचाहने स्पष्ट संकेत मिलेको छ,’ उनले लेखेका छन्, ‘मेरो समस्या र पीडा त्यही हो। यो प्रसंगलाई हारजितसँग जोडेर हेर्नेहरुले समस्याको जडलाई बुझ्न सक्दैनन्। उनीहरुको विवशता  प्रति मेरो दया छ।’