जनता समाजवादी पार्टी (जसपा)का संघीय परिषद् अध्यक्ष एवं पूर्वप्रधानमन्त्री डा. बाबुराम भट्टराईले   पृथ्वीनारायण शाह इतिहासकाे आवश्यकता र आकस्मिकताका उपज भएकाे टिप्पणी गरेका छन्।

‍राष्ट्रनिर्माता पृथ्वीनारायण शाहकाे ३००औं जन्मजयन्तीकाे सन्दर्भमा भट्टराईले सामाजिक सञ्जालमा यस्ताे टिप्पणी गरेका हुन्।

उनले पृथ्वीनारायण शाहकाे देवत्करण र दानवीकरण दुबै गर्न नहुने पनि बताएका छन् । 

उनले लेखेका छन्, ‘पृना शाहको देवत्वकरण र दानवीकरण दुवै नगरौं ! उनी इतिहासको आवश्यकता र आकस्मिकताका उपज हुन् । कविलाई समाजको पहिले सामन्ती केन्द्रीकरण भएर नै पछि पुँजीवाद जन्मने हो । अब समाजवादी रूपान्तरणको नयाँ युगमा बहुजातीय केन्द्रीकृत राज्यलाई संघीय पुनर्संरचना गर्नैपर्छ भन्ने बुझौं । चुरो कुरो यो हो !’ 

विभिन्न जातजाति, भाषाभाषीको सहयोग लिएर नेपाल एकीकरण गरेका पृथ्वीनारायण शाहको सम्झनामा हरेक वर्ष पुस २७ गते पृथ्वीजयन्ती मनाइँदै आइएकाे छ ।

यता आदिवासी जनजाति भने पृथ्वीनारायण शाहलाई हत्याराकाे संज्ञा दिई आजकाे दिनलाई कालाे दिनकाे रूपमा लिँदै आएका छन् ।

पृना शाहको देवत्वकरण र दानवीकरण दुवै नगरौं!उनी इतिहासको आवस्यकता र आकस्मिकताका उपज हुन्।कविलाइ समाजको पहिले सामन्ती केन्द्रीकरण भएर नै पछि पॅूजीवाद जन्मने हो।अब समाजवादी रूपान्तरणको नयाॅ युगमा बहुजातीय केन्द्रीकृत राज्यलाई संघीय पुनर्संरचना गर्नैपर्छ भन्ने बुझौं। चुरो कुरो यो हो!

— Baburam Bhattarai (@brb1954) January 10, 2022