पछिल्लो चौबिस घण्टामा नेपालमा २ हजार ४४४ जना कोरोना भाइरसका नयाँ संक्रमित थपिएका छन् । 

स्वास्थ्य तथा जनसंख्या मन्त्रालयका अनुसार १५ हजार ३३ जनाको कोरोना परिक्षण गर्दा उक्त संख्यामा संक्रमण देखिएको हो । 

परिक्षण गरिएकामध्ये १६.२५ जनामा कोरोना संक्रमण रहेको पाइएको छ । 

सोमबारको तुलनामा आज थपिएका कोरोना संक्रमितको संख्या ९५८ ले बढी हो । सोमबार देशभर १ हजार ४८६ जना नयाँ संक्रमित थपिएका थिए । 

पछिल्लो करिव पाँच महिनायता आज नेपालमा सबैभन्दा बढी कोरोना संक्रमित थपिएका हुन् । यसअघि गत असोज १ गते एकैदिन २ हजार ४५६ जना संक्रमित थपिएका थिए । त्यसपछि यति ठूलो संख्यामा संक्रमित आज थपिएका हुन् । 

मन्त्रालयका अनुसार पछिल्लो चौबिस घण्टामा कोरोना संक्रमणका कारण एक जनाको मृत्यु भएको छ । 

हाल नेपालमा कूल सक्रिय कोरोना संक्रमितको संख्या ९ हजार ५२२ रहेको छ ।