पछिल्लो २४ घण्टाको अवधिमा काठमाडौं उपत्यकामा १ हजार ५३८ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार आज भक्तपुरमा १३४, ललितपुरमा २३६ र काठमाडौंमा १ हजार १२८ जनामा कोरोना संक्रमण पुष्टि भएको छ ।

आज देशभर ३ हजार ७५ जनामा कोरोना पुष्टि भएको छ । यो अवधिमा १३ हजार २६ जनाको नमुना परीक्षण भएको छ । देशभरको औसत संक्रमणदर २७ प्रतिशत रहेको छ ।

त्यस्तै, आज कोरोनाका कारण २ जनाको मृत्यु भएको छ । योसँगै कोरोनाबाट मृत्यु हुनेको संख्या ११ हजार ६०९ पुगेको छ । २४ घण्टाको अवधिमा २७८ संक्रमणमुक्त भएका मन्त्रालयले जनाएको छ ।

देशभर ११ हजार ६ सय ९० मा सक्रिय संक्रमित रहेका छन् । तीमध्ये १० हजार ८१० जना होम आइसोलेसनमा रहेका छन् भने ८ सय ८० संस्थागत आइसोलेसनमा रहेका छन् ।