कोरोना महामारीका बेला कर्मचारीको अभाव हुन नदिन स्वास्थ्य तथा जनसंख्या मन्त्रालयले देशभरका अस्पताल र प्रयोगशालाहरूलाई निर्देशन दिएको छ ।   

मन्त्रालयले बिहीबार सचिवस्तरीय निर्णयबाट देशभरका अस्पताल र प्रयोगशालाहरूलाई पत्राचार गर्दै जनशक्ति अभाव हुन नदिन निर्देशन गरेको हो ।

मन्त्रालयको स्वास्थ्य आपतकालीन कार्यसञ्चालक केन्द्रले कोरोना भाइरस रोकथाम नियन्त्रण तथा उपचार गर्न स्वीकृत दरबन्दी अनुसार कुनै पद रिक्त भएका तत्काल जनशक्ति व्यवस्थापन गर्न निर्देशन दिएको हो । 

त्यस्तै, करारमा भर्ना भएका स्वास्थ्यकर्मी र कर्मचारीहरुको करार अवधि आवश्यकता अनुसार २०७८ माघ महिनादेखि बढीमा ३ महिनासम्म थप्न सकिने केन्द्रले जनाएको छ ।