गायन रियालिटी सो ‘द भ्वाइस किड्स’को उपाधि जेनिश उप्रेतीले जितेका छन् । अन्तिम प्रतिस्पर्धामा पुगेका ८ जनामध्येबाट जेनिशले ‘द भ्वाइस किड्स’को उपाधि जितेका हुन् । 

उपाधिसँगै उनले ‘द भ्वाइस किड्स’को ट्रफी, १५ लाखको चेक र विभिन्न गिफ्ट ह्याम्पर प्राप्त गरेका छन् ।  ‘द भ्वाइस किड्स’मा जेनिशले प्रमोद खरेलको टिमबाट प्रतिस्पर्धा गरिरहेका थिए ।

६ देखि १४ वर्षसम्मका बालबालिकाको सहभागिता रहेको यो रियालिटी सोमा कोचको रूपमा प्रमोदसहित राजु लामा, मिलन नेवार र प्रविशा अधिकारी रहेका थिए । यो सो हिमालय टीभी एचडीबाट शुक्रबार र शनिबार प्रशारण हुँदै आएको थियो ।