कर्णाली प्रदेशमा एकैदिन ३१३ जना कोरोना भाइरस (कोभिड–१९) का नयाँ संक्रमित फेला परेका छन् । आरटी–पिसिआर विधिबाट गरिएको परिक्षणमा १४५ र एन्टिजेन विधिबाट गरिएको परीक्षणमा १६८ जनामा भाइरसको संक्रमण पुष्टि भएको हो । 

योसँगै कर्णाली प्रदेशमा कुल संक्रमितको संख्या १ हजार २४ पुगेको प्रदेश स्वास्थ्य सेवा निर्देशनालयले जानकारी दिएको छ । 
पछिल्लो समय फैलिएको ओमिक्रोन दैनिक रूपमा करिब दोब्बर पुष्टि हुने गरेको निर्देशनालयको भनाइ छ । 

बिहीबार प्रदेशभर १ सय २५ जना नयाँ संक्रमित फेलाका थिए । आज उक्त संख्याको करिब दोब्बर संख्यामा संक्रमण पुष्टि भएको निर्देशनालयका प्रमुख डा. रवीन खड्काले जानकारी दिए । 

संक्रमण पुष्टि हुनेहरूमा अधिकांश सुर्खेतका रहेको उनले बताए । आज संक्रमण पुष्टि हुनेहरूमा सुर्खेतका २१५, सल्यानका २८, जुम्लाका २५, कालीकोटका १९, दैलेखका १५, जाजरकोट र रूकुमपश्चिमका तीन/तीन जना र अन्य क्षेत्रका पाँच जना रहेको निर्देशनालयले जनाएको छ । शुक्रबार १३ जना संक्रमणमुक्त भएको प्रमुख खड्काले बताए ।