नेकपा (माओवादी)केन्द्रको पूर्व स्थायी कमिटी सदस्यहरूको बैठकले कोरोनाको महामारी कम नभएसम्म जनपरिचालनका कामहरूको जिम्मा पार्टी अध्यक्षलाई दिने निर्णय गरेको छ । 

शनिवार पार्टी कार्यालय पेरिसडाँडामा बसेको पूर्व स्थायी कमिटी सदस्यहरूको बैठकले सो निर्णय गरेको हो । 

त्यस्तै बैठकमा बाँकी रहेका संगठनात्मक कामहरू टुंग्याउने जिम्मा पनि पार्टी अध्यक्ष पुष्पकमल दाहाल (प्रचण्ड)लाई दिने निर्णय भएको पनि पार्टीका प्रवक्ता तथा पूर्व सभामुख कृष्णबहादुर महराले जानकारी दिए । उनले बैठकमा एमसिसीकाे बारेमा पनि छलफल भएकाे बताए ।

बैठकमा तीनवटै तहको चुनाव सकेसम्म कम खर्चमा एकैपटक कसरी गर्न सकिन्छ भनेर छलफल भएको र अब निर्वाचन आयोग, पत्रकार, बुद्धिजीवीहरूको रायअनुसार कानुनविदसँग छलफल गरेर निष्कर्षमा पुग्ने नेता महराकाे भनाइ छ ।