नेपालमा पछिल्लो २४ घण्टाको अवधिमा थप १२ हजार नयाँ संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार २५ हजार ९०९ नमुनाको पीसीआर तथा एन्टिजेन विधिबाट परीक्षण गर्दा १२ हजार ८ जनामा कोरोना संक्रमण पुष्टि भएको हो ।

यो अवधिमा ३ हजार ४० जना कोरोना संक्रमणमुक्त भएका छन् । योसँगै कोरोना मुक्त हुनेको संख्या ८ लाख २७ हजार २७९ पुगेको छ ।

त्यस्तै कोरोनाबाट आज ८ जनाले ज्यान गुमाएका छन् । अहिलेसम्म ११ हजार ६६७ जनाको कोरोना संक्रमणबाट ज्यान गएको मन्त्रालयको तथ्यांक छ ।

त्यस्तै आज देशभर ८८ हजार ९३४ जना सक्रिय संक्रमित रहेका छन् ।