भारतकाे बिहार प्रदेशमा विषाक्त मदिरा सेवनबाट पाँच जनाको मृत्यु भएको छ । यसैगरी चार जनाको अवस्था गम्भीर रहेकाे छ । चारैजनाकाे अस्पतालमा उपचार भइरहेकाे छ ।

यो घटना बक्सर जिल्लाको अन्सारी गाउँको हो ।

बक्सरका प्रहरी उपरीक्षक नीरजकुमार सिंहले सञ्चारकर्मीसँगको कुराकानीका क्रममा यस विषयमा अनुसन्धान भइरहेकाे जानकारी दिए ।

गत वर्ष पनि बिहारको गोपालगञ्ज, बेतिया र सिवानमा नक्कली मदिरा सेवनबाट ५० भन्दा बढीको मृत्यु भएको थियो ।

यस वर्षको सुरुमा मुख्यमन्त्रीको गृहजिल्ला (नालन्दा) पछि छपरा जिल्लामा पनि विषाक्त मदिराकाे सेवनबाट एक दर्जनभन्दा बढीको मृत्यु भएको थियाे ।

प्रतिपक्षले निषेधाज्ञाको विषयलाई लिएर सरकारमाथि लगातार आक्राेश पाेख्दै आइरहेकाे छ । प्रतिपक्षीले मदिरामा प्रतिबन्ध लगाउँदा पनि मदिरा पाएकोमा प्रश्न उठाउँदै आएका छन्।