भारत, पाकिस्तान र बंगलादेशपछि उज्वेकिस्तानमा पनि चिनियाँ एप टिकटकमा प्रतिबन्ध लगाउन माग गरिएकाे छ ।
देशको सोसल डेमोक्रेटिक पार्टीले बुधबार टिकटकमा पूर्ण प्रतिबन्ध लगाउन आह्वान गरेको हाे । पार्टीले एपले राम्रोभन्दा नराम्रो काम गरेको आरोप लगाएको छ ।
प्रतिबन्धको बावजुद पनि टिकटक प्रयोगकर्ताहरूसँग भिपिएन प्रयोग गरेर एपकाे प्रयाेग गर्नसक्ने भएकाले यस मुद्दामा पनि अनुसन्धान हुनुपर्ने पार्टीकाे भनाइ छ ।
गत हप्ता समरकन्द सहरमा एक टिकटक प्रयोगकर्ताले एक वृद्ध व्यक्तिलाई लात हानेको भिडियो टिकटकमा देखिएकाे थियाे । उक्त भिडियाे सार्वजनिक भएपछि टिकटकमा प्रतिबन्ध लगाउने बारेमा छलफल हुन थालेकाे हाे ।
भारत सरकारले पनि सन् २०२० काे जुन २९ मा टिकटकमा प्रतिबन्ध लगाएको थियो । टिकटकबाहेक अन्य धेरै चिनियाँ एपहरू देशमा पूर्ण रूपमा प्रतिबन्धित छन् ।
गत महिना पाकिस्तानको एक अदालतले टिकटकमा साझा गरिएको ‘अनैतिक सामग्री’ प्रतिबन्ध लगाउन पाकिस्तान दूरसञ्चार प्राधिकरणलाई लिखित आदेश जारी गरेकाे थियाे ।
प्राधिकरणद्वारा पेस गरिएको प्रतिवेदन अनुसार एपबाट साढे दुई कराेडभन्दा धेरै भिडियो ब्लक गरिएको छ ।
टिकटकलाई पहिलो पटक पाकिस्तानमा सन् २०२० को अक्टोबरमा प्रतिबन्ध लगाइएको थियो । तर, कम्पनीले अश्लील अकाउन्ट ब्लक गर्ने आश्वासन दिएको १० दिनपछि प्रतिबन्ध हटाइएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।