सुर्खेतमा शक्रबार हिउँ परेको छ । सुर्खेतको वीरेन्द्रनगर नगरपालिकाका वडामा तीन वर्षपछि हिउँ परेको हो । 

नगरका वडा नं १४ सिद्धपाइला, १५ को रतु र १६ को मेहेलीका माथिल्लो क्षेत्रमा हिउँ परेको हो । 

हिउँपरेपछि स्थानीय किसान खुशी भएका छन् । अर्गानिक तरकारी खेतीको पकेट क्षेत्र मानिने र पर्यटकीय क्षेत्रका रुपमा चिनिएको सिद्धापाइला, रातानाङ्लालगायतका क्षेत्रका किसान खुशी भएका हुन् ।

‘वर्षे आलु रोप्ने समयमा हिउँ परेपछि खुशी लागेको छ ’ स्थानीय जानकी खत्रीले भनिन्, 'यो साल आलु धेरै फल्ने भयो ।' उनले हिउँ परेपछि जमिन सुख्खा नहुने, किटाणु नलाग्ने र जमिन मलिलो हुने भएको कारण  खेतीपाती राम्रो हुने बताइन् । 

यस्तै कर्णालीका हिमालीलगायतका जिल्लामा समेत हिउँ परेको छ ।