तेहरान– इरानी राष्ट्रपति हसन रौहानीले अमेरिकाले इरानविरुद्ध लगाएका प्रतिबन्ध ‘आर्थिक आतंकवाद’ भएको बताएका छन् ।
शनिबार इरान भ्रमणमा रहेका क्षेत्रीय अधिकारीहरूसँगको एक सम्मेलनमा राष्ट्रपति रौहानीले इस्लामिक राष्ट्रहरूको संयुक्त मोर्चा बनाई इस्लाम धर्म भएकै कारण दबाबमा परेका अरब राष्ट्रहरूको उन्नतिमा लाग्नुपर्ने बताए । क्षेत्रीय एकताबाट मात्र यो सम्भव हुने उनको बुझाइ छ ।
आर्थिक आतंकवाद इरानको अर्थतन्त्रमा संकट उत्पन्न गर्न र यसबाट अन्य मुलुकहरूमा लगानी भित्रिनबाट रोक्न ट्रम्प प्रशासनले रचेको चालबाजी भएको उनले बताए ।
अफगानिस्तान, चीन, पाकिस्तान, रुस र टर्कीका उच्च अधिकारी सम्मेलनमा सहभागी छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
