चीनको बेइजिङमा जारी शीतकालीन ओलम्पिकमा शनिबारसम्मको खेल सकिँदा जर्मनीले आफ्नो अग्रतालाई कायमै राखेको छ ।

शीर्ष स्थानको जर्मनीले आठ स्वर्ण र पाँच रजत र एक कास्यसहित कुल १४ पदक हात परेको छ । जर्मनीलाई पछ्याइरहेको नर्वेको आठ स्वर्ण, तीन रजत र ६ कास्यसहित कुल १७ पदक छ।

पाँच स्वर्ण, पाँच रजत र एक कास्यसहित कुल ११ पदक हात पारेको अमेरिका तेस्रो स्थानमा रहँदा चौथो स्थानको नेदरल्यान्ड्स पाँच स्वर्ण, चार रजत र २ कास्यसहित ११ पदक जितेको छ। 

पाँच स्वर्ण, दुई रजत र तीन कास्यसहित १० पदक जितेको स्विडेन पाँचौं स्थानमा रहँदा छैटौं स्थानको अस्ट्रियाले अस्ट्रिया चार स्वर्ण, छ रजत र चार कास्यसहित कुल १४ पदक हात पारेको छ । 

तीन स्वर्ण, चार रजत र १ कास्यसहित सहित कुल आठ पदक जितेको आयोजक चीन सातौं स्थानमा छ । आठौं स्थानको रिसयन ओलम्पिक कमिटीले तीन स्वर्ण, चार रजत र ६ कास्यसहित १३ पदक हात पारेको छ ।  

दुई स्वर्ण, पाँच रजत र चार कास्यसहित ११ पदक हात पारेको इटाली नवौं तथा दुई स्वर्ण तीन रजत र पाँच कास्यसहित कुल १० पदक जितेको जापान १० औं स्थानमा छन् ।

स्लोभानियाले दुई स्वर्ण, एक रजत र दुई कास्य, स्विट्जरल्यान्डले दुई स्वर्ण र पाँच कास्य तथा फान्सले एक स्वर्ण र ६ रजत हात पारेका छन् ।

क्यानडाको एक स्वर्ण, चार रजत र आठ कास्य तथा अस्ट्रेलिया र दक्षिण कोरियाको समान एक स्वर्ण, दुई रजत र एक कास्य रहँदा फिनल्यान्डको एक स्वर्ण, एक रजत र दुई कास्य छ ।

चेक गणतन्त्रले समान एक स्वर्ण र कास्य जित्दा न्युजिल्यान्ड र स्लोभाकियाले समान १ स्वर्ण हात पारेका छन् ।

बेलारुस र स्पेनको समान १ रजत पदक छ । हंगेरीले दुई तथा लात्भिया र पोल्यान्डले समान एक कास्य हात पारेका छन् ।