एजेन्सी– युइएफए च्याम्पियन्स लिग फुटबलमा मंगलबार राति भएको खेलमा टोटनह्यामले बार्सिलोनालाई बराबरीमा रोकेको छ ।
टोटनह्यामले बार्सिलानाको घरेलु मैदानमा भएको खेलमा उसलाई १–१ मा रोकेको हो । बराबरीसँग टोटनह्याम प्रिक्वार्टरफाइनल पुगेको छ । बार्सिलोना भने यसअघि नै प्रिक्वार्टरफाइनल पुगिसकेको थियो ।
समूह बी अन्तर्गतको खेलमा बार्सिलोनाका ओस्मान डेम्बेलेले खेल सुरु भएको सातौं मिनेटमा गोल गर्दै टोलीलाई अग्रता दिलाएका हुन् । टोटनह्यामका लागि लुकास मौराले खेल सकिन पाँच मिनेट बाँकी छँदा गोल गर्दै खेललाई बराबरीमा ल्याएका हुन् ।
सोही समूहमा रहेको इन्टर मिलानसँग अंक बराबरी गरेको टोटनह्याम हेड टु हेडका आधारमा अन्तिम १६ प्रवेश गरेको हो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।