विदुर- नुवाकोटको दुप्चेश्वर गाउँपालिका–१ घ्याङफेदीमा आज साँझ मिनीट्रक दुर्घटना हुँदा १६ जनाको मृत्यु भएको छ । 

समुद्रटारबाट शिखरबेंसी हुँदै घ्याङफेदीतर्फ गइरहेको मिनीट्रक साँझ ६ बजे दुर्घटना भएको प्रहरी नायब उपरीक्षक भीमलाल भट्टराईले बताए ।

गाडीमा ४० जना यात्रु रहेको बताइएको छ ।

गाडी भीरबाट करिब ४०० मिटर तल खसेको दुप्चेश्वर गाउँपालिकाका प्रशासकीय अधिकृत रामहरि गजुरेलले जनाए ।

मृतकहरुको सनाखत भइसकेको छैन ।