गायक रविन तामाङको स्वरमा चलचित्र ‘चिसो एष्ट्रे’को गीत ‘चिसो एष्ट्रे’ सार्वजनिक भएको छ। 

अंग्रेजी भर्सनको गीतमा रविनकै शब्द तथा संगीत छ । दिनेश पाल्पाली निर्देशित चलचित्रमा उनको अभियन पनि हेर्न पाइनेछ ।

केही समयअघि उनले अमेजन प्राइममा प्रसारण भएको हिन्दी सिरिज ‘दि लास्ट आवर’मा मुख्य भिलेनको भूमिका निर्वाह गरेका थिए । शीर्ष गीत शुक्रबार नेपाल फिल्म क्याम्पसका विद्यार्थीबीच सार्वजनिक गरिएको थियो । गीतले युवाहरूको जीवनशैलीलाई अभिव्यक्त गरेको छ ।

फिल्मले देखाउन खोजेको कुरालाई गीतले संक्षेपमा प्रस्तुत गर्ने प्रयास गरेको गायक तामाङले बताए । 

‘दिनेशले बनाएको फिल्मलाई मैले गीतमा समअप गरेको हो । धेरैपछि आफ्नो गीत सार्वजनिक हुँदा एक्साइटेड फिल गरिरहेको छु’ उनले भने ।

चलचित्र टिम र फिल्म कलेजका विद्यार्थीबीच अन्तक्रिया भएको थियो । चलचित्र होलीको भोलिपल्ट अर्थात् चैत ४ मा रिलिज हुँदैछ ।

गीत सुन्‍नुहाेस् :