नेपालमा पछिल्लो २४ घण्टाको अवधिमा ८२ जनामा कोरोनाभाइरसको संक्रमण देखिएको छ ।

स्वास्थ्य तथा जनसंख्या मन्त्रालयका अनुसार ६ हजार १७५ नमुनाको पिसिआर तथा एन्टिजेन विधिबाट परीक्षण गर्दा सो संख्यामा कोरोना भाइरसको संक्रमण देखिएको हो ।

त्यस्तै सोही अवधिमा २१३ जना निको भएका छन् । योसँगै देशभर कोरोना संक्रमणमुक्त हुनेको संख्या ९ लाख ६१ हजार ५६१ पुगेको छ ।

नेपालमा आज कोरोनाबाट मृत्यु हुनेको संख्या शून्य रहेको छ । अहिलेसम्म ११ हजार ८५० जनाको कोरोनाका कारण मृत्यु भएको मन्त्रालयको तथ्यांक छ ।

आज देशभर ४ हजार ५७४ जना सक्रिय संक्रमित रहेका छन् । यो अवधिमा १ लाख ५ हजार ४२२ जनाले कोरोनाविरुद्धको खोप लगाएको मन्त्रालयले जनाएको छ ।