स्पेनिस ला लिगाअन्तर्गत आज बिहान सम्पन्न एल क्लासिकोमा रियल मड्रिडमाथि बार्सिलोना विजयी भएको छ । एल क्लासिकोमा भएको खेलमा बार्सिलोना घरेलु टोली रियल मड्रिडमाथि ४–० गोल अन्तरले विजयी भएको हो ।
सान्टियागो बर्नाबेउमा बार्सिलोनालाई जित दिलाउन पिएरे इमरिक औवामियाङले २ तथा रोनाल्ड अराउजो र फेरान टोरेसले १–१ गोल गरे । खेलको २९ औं मिनेटमा बार्सिलोनाले अग्रता लियो । ओस्मान डेम्बेलेको क्रसमा औवामियाङले हेडरमार्फत गोल गर्दै क्याटलान टोलीलाई अघि बढाएका थिए ।
३८ औं मिनेटमा डेम्बेलेकै क्रसमा ओराउजोले हेडमार्फत गोल गर्दै पाहुना टोलीको अग्रता दोब्बर बनाए । ४७ औं मिनेटमा टोरेसले गोल गरेपछि बार्सिलोना ३-० ले अघि बढ्यो । उनले औवामियाङको पासलाई पोस्टको दिशा दिएका हुन् ।
५१ औं मिनेटमा औवामियाङले व्यत्तिगत दोस्रो गोल गर्दै टोलीलाई ४-० को फराकिलो जित दिलाए । उनले टोरेसको पासलाई सदुपयोग गरेका थिए ।
हारका बाबजुत पनि रियल २९ खेलमा ६६ अंकका साथ शीर्ष स्थानमा कायम रहँदा जित निकालेको बार्सिलोना २८ खेलमा ५४ अंक जोडेर तेस्रो स्थानमा उक्लिएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।