अभिनेत्री वर्षा सिवाकोटी अहिले अमेरिकामा छिन् । त्यहाँ रमाइरहेकी उनले सामाजिक सन्जालमा फ्लोरिडाको समुद्री तटबाट नयाँ तस्वीर हालिरहेकी छिन् । 

रमाइलोका तस्वीर त उनले सामाजिक सन्जालमा राखेकी छिन्, तर उनका प्रशंसकलाई एउटा नरमाइलो खबर छ । 

त्यो हो– उनको र अभिनेता राज कटुवालको ब्रेकअप भएको छ । केही वर्षदेखि यी दुई अफेयरमा थिए । केही महिनाअघि यी दुईको ब्रेकअपको समाचार बाहिर आएका थिए । 

त्यति बेला राजले भनेका थिए– ती गसिप मात्र हुन् । उनीहरुको सम्बन्धमा केही खटपट त भएको थियो तर उनीहरुबीच दुबई टुरले फेरि प्याचअप गराएको थियो । 

तर, अब भने यी दुई छुट्टिएका छन् । अहिले चाहिँ यो हल्ला होइन । ‘मायालुले धोका दिइबक्सियो,’ राजले फरकधारसँग रमाइलो गर्दै भने ।