एमाले अध्यक्ष ओली र चिनियाँ विदेशमन्त्रीबीच भेटवार्ता
फरकधार / १३ चैत, २०७८

नेकपा एमालेका अध्यक्ष केपी शर्मा ओलीले चिनियाँ विदेशमन्त्री वाङ यीसँग भेटवार्ता गरेका छन् । उनीहरूबीच आज बिहान होटल मेरियटमा भेटवार्ता भएको हो । भेटवार्तामा एमाले उपाध्यक्ष वरिष्ठ ईश्वर पोखरेल, महासचिव शंकर पोखरेल, विदेश मामिला प्रमुख राजन भट्टराईलगायत नेताहरू पनि सहभागी छन् ।



यसअघि विदेशमन्त्री वाङले शीतल निवासमा राष्ट्रपति भण्डारीलाई पनि भेटेका थिए ।



उनले राष्ट्रपति भण्डारी र एमाले अध्यक्ष ओलीपछि नेकपा माओवादी केन्द्रका अध्यक्ष पुष्पकमल दाहाल प्रचण्डसँग पनि भेटवार्ता गर्ने तालिका छ ।  



विदेशमन्त्री वाङ आजै स्वदेश फर्कने छन् । उनले शनिबार प्रधानमन्त्री शेरबहादुर देउवासँग पनि भेट गरेका थिए । 

उनले परराष्ट्रमन्त्री नारायण खड्कासँग पनि भेट गरेका थिए । खड्कासँगको भेटमा नेपाल–चीनबीच विभिन्न ९ वटा समझदारी पत्रमा हस्ताक्षर भएको थियो । 

  • प्रकाशित मिति : चैत १३, २०७८ आइतबार ११:४०:१२,   अन्तिम अपडेट : चैत १३, २०७८ आइतबार ११:४८:४६

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया