स्पेनिस ला लिगाअन्तर्गत गएरातिको खेलमा एट्लेटिको मड्रिड विजयी भएको छ । घरेलु टोली एट्लेटिकोले एलाभेसमाथि ४–१ को सहज जित हात पारेको हो ।
वान्डा मेट्रोपोलिटानो स्टेडियममा एट्लेटिकोलाई जित दिलाउन लुइस स्वारेज र जाओ फेलिक्सले दुई/दुई गोल गर्दा एलाभेसका लागि गोञ्जालो इसेलान्तेले एक गोल फर्काए ।
खेलको ११ औं मिनेटमा फेलिक्सको गोलमार्फत एट्लेटिको सुरुवाती अग्रता लिएको थियो । ६३ औं मिनेटमा इसेलान्तेले एलाभेसलाई १–१ को बराबरीमा ल्याए ।
७५ औं मिनेटमा स्वारेजले पेनाल्टीमार्फत गोल गर्दै घरेलु टोलाई २–१ ले अघि बढाए । ८३ औं मिनेटमा फेलिक्स र ९० औं मिनेटमा स्वारेजले व्यक्तिगत दोस्रो गोल गर्दै एट्लेटिकोलाई ४–१ को सहज जित दिलाए ।
जितसँगै तेस्रो स्थानको एट्लेटिको ३० खेलमा ५७ अंक जोड्दा पराजित एलाभेस समान खेलबाट २२ अंकका साथ पुछारमा छ
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
