जनकपुरधाम उपमहानगरपालिकाका सरसफाइकर्मीहरूले नगर प्रमुख लालकिशोर साहको निवास अगाडि धर्ना दिएका छन् । 

नगर प्रमुख साहले आफूहरूलाई दुई महिना काममा लगाएर पुनः हटाएपछि उनीहरू आन्दोलनमा उत्रेका हुन् । 

सफाइ कर्मचारीहरूले आफूसँग नगर प्रमुख साहले अन्याय गरेको आरोप लगाउँदै साहविरुद्ध नाराबाजीसमेत गरेका थिए । 

उनीहरूको नाराबाजीका कारण मेयर साह घण्टौंसम्म आफ्नो निवासबाट निस्कन सकेका थिएनन् ।

जनकपुरधाममा फोहोरको अत्याधिक समस्या रहेको र सडक समयमा सफाइ नभएपछि उपमहानगरका पदाधिकारीहरूको आलोचना हुँदै आएको छ । 

तथापि उपमहानगरले नगरको सरसफाइमा ध्यान नदिएको स्थानीयको आरोप छ ।