स्पेनिस ला लिगाअन्तर्गत गएरातिको खेलमा बार्सिलोना पराजित भएको छ । घरेलु टोली बार्सिलोना रायो भ्यालेकानोसँग १–० ले पराजित हुन पुगेको हो ।

क्याम्प नोउमा भएको खेलमा सातौं मिनेटमा अल्भारो गार्सिया रिभेराले गरेको एक मात्र गोल पाहुना टोलीलाई जित दिलाउन पर्याप्त बन्यो ।

हारका बाबजुद बार्सिलोना ३३ खेलमा ६३ अंक जोडेर दोस्रो स्थानमा कायमै छ । जित निकालेको भ्यालेकानो समान खेलबाट ४० अंकका साथ ११ औं स्थानमा उक्लिएको छ ।