राष्ट्रिय प्रजातन्त्र पार्टीका महामन्त्री प्रह्लाद साहले विराटनगर महानगरपालिकाको मेयर पदका लागि उम्मेदवारी दिएका छन् ।
सोमबार मुख्य निर्वाचन अधिकृतको कार्यालयमा पुगेर उम्मेदवारी दर्ता गराएका हुन् ।
राप्रपाले साहलाई मेयरको उम्मेदवार बनाउने निर्णय गरेको थियो ।
साह विराटनगरका पूर्व मेयरसमेत हुन् ।
उनी पूर्वराजा ज्ञानेन्द्र शाहको शासनकालमा २०६२ सालमा भएको स्थानीय निर्वाचनबाट मेयरमा निर्वाचित भएका थिए ।
साह २०७४ सालमा सम्पन्न स्थानीय तहको निर्वाचनमा पनि मेयर पदका उम्मेदवार थिए । उनले ५ हजार ५०० बढी मत प्राप्त गरेका थिए ।
त्यसैगरी सोही पार्टीबाट उपमेयरमा बबिता आचार्यको उम्मेदवारी परेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
