नाबालिका बलात्कारको आरोपमा थुनामा परेका अभिनेता पूर्णविक्रम शाह (पल)ले दर्ता गरेका दुई छुट्टाछुट्टै निवेदन एकसाथ पेस गर्न उच्च अदालत पोखराले आदेश दिएको छ ।

अभिनेता शाहविरुद्ध एक नाबालिका गायिकामाथि बलात्कार गरेको आरोप लागेको छ । तर, अन्तिम बकपत्रमा पीडित र उनका बुवाले पलले बलात्कार नगरेको बयान दिइसकेका छन् ।

जिल्ला अदालत तनहुँ र नवलपुरबाट आफूलाई थुनामा राख्ने भनी गरेको आदेशविरुद्ध शाहले उच्च अदालत पोखरामा छुट्टाछुट्टै निवेदन दिएका थिए । अहिले त्यसैलाई एकसाथ पेस गर्न अदालतले आदेश दिएको हो ।