यही ३० वैशाखमा हुन लागेको स्थानीय निर्वाचनका लागि तनहुँको शुक्लागण्डकीमा नेपाल कम्युनिष्ट पार्टी (मार्क्सवादी, लेनिनवादी) बाट उपमेयर पदका उम्मेदवार शिवप्रसाद लम्साल नेपाली कांग्रेसमा प्रवेश गरेका छन् ।
उनी कांग्रेस शुक्लागण्ड–९ ले आयोजना गरेको चुनावी सभामा कांग्रेस प्रवेश गरेका हुन् । लम्साललाई कांग्रेस केन्द्रीय सदस्य प्रदीप पौडेलले सदस्यता प्रदान गरेर पार्टी प्रवेश गराए ।
लम्सालले आफ्नो उम्मेदवारी कायम नरहेको र कांग्रेसका मेयर पदका उम्मेदवार कृष्ण राज पण्डितसहितको गठबन्धन टिमलाई समर्थनसहित सहयोग गर्ने प्रतिवद्धता जनाए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।